بقلم ايمان السيد احمد على اشرف.
تخيَّل إن علاقة واحدة صحّية… ممكن تخفف عنك وجع سنين.”علاقة فيها تقبُّل،فيها حب مشروط بالاحترام… مش بالكمال.فيها حد يشوفك بجد،يفرّق بينك وبين أخطائك،يرفض الغلط… لكن ما يرفضكش أنت.العلاقة دي ممكن:تطبطب على جروح قديمة،تعلّمك تحب نفسك،وتديك إحساس إنك تستاهل تتحب.لكن الحقيقة الأهم…إن العلاقة دي مش بتخلقك من جديد،هي بس بتفكّرك أنت مين من الأساس.لأن التعافي الحقيقي بيبدأ من جواك…والعلاقات الصحية بتيجي تساند الطريق، مش تمشيه بدالك 🤍ومش بس تدور على العلاقة دي… حاول تكون أنت كمان الشخص ده.مع أولادك،مع أصحابك،مع إخواتك…كن مصدر أمان،كن الشخص اللي بيدي تقبُّل،اللي بيفرّق بين الخطأ وصاحبه،واللي بيحب بوعي… مش بشروط قاسية.يمكن تسأل:”طب وأنا؟ مين هيحتويني؟”الحقيقة إن جزء كبير من إنك تبقى كده مع غيرك…بيرجعلك إحساس دافي شبه اللي بتدور عليه.بتخلق علاقات صحّية متبادلة،فيها العطاء بيرجع… بشكل أصدق وأعمق.ومع المعنى الجميل:”الله في عون العبد ما دام العبد في عون أخيه” 🤍هتلاقي إنك كل ما بتدي من قلبك،ربنا بيرزقك من نفس اللي بتتمناه…بس مش شرط من نفس الشخص… ولا بنفس التوقيت.”جزاءً وفاقًا”فاللي بتزرعه… بيرجع لك،لكن بحكمة ربنا… مش بتوقعاتنا. ايمان السيد
